Արմինֆո.ՀՀ կրթության և գիտության նախարարությունը, «ՄՏՍ Հայաստան», «Սինոփսիս Արմենիա», «Յունիքոմփ» ընկերությունները և Տեղեկատվական և հաղորդակցության տեխնոլոգիաների գործատուների միությունն այսօր ստորագրել են փոխըմբռնման հուշագիր՝ հանրակրթական ուսումնական հաստատություններում «Միկրոէլեկտրոնիկա», «Տեղեկատվական տեխնոլոգիաներ» և «Հեռահաղորդակցության հիմունքներ» մասնագիտական առարկաների ներդրման վերաբերյալ: Հուշագիրը ստորագրել են ՀՀ կրթության և գիտության նախարարի պաշտոնակատար Արայիկ Հարությունյանը, «ՄՏՍ Հայաստան» ընկերության գլխավոր տնօրեն Ռալֆ Յիրիկյանը, «Սինոփսիս Արմենիա» ընկերության տնօրեն Հովիկ Մուսայելյանը, «Յունիքոմփ» ընկերության գլխավոր տնօրեն Արմեն Բալդրյանը և ՏՀՏԳՄ գործադիր տնօրեն Էդուարդ Մուսայելյանը:
Շնորհավորելով բոլոր կողմերին հուշագրի ստորագրման կապակցությամբ՝ Արայիկ Հարությունյանը նշել է, որ ՏՀՏ ոլորտում ԿԳ նախարարությունը սերտ համագործակցում է հիշյալ ընկերությունների հետ: Նրա խոսքով՝ 2015 թվականից իրականացվող փորձնական ծրագիրն այսօր ընդլայնվում է. ծրագրում ներառված 10 ավագ դպրոցներին ավելանում են ևս 5-ը: «Հոկտեմբերին ունեցել ենք ամփոփիչ քննարկում՝ արձանագրելով ծրագրի արդյունավետությունը և դրա ընդլայնման անհրաժեշտությունը: Այս հուշագիրը ևս մեկ անգամ փաստում է, որ բարձր տեխնոլոգիաների ոլորտը կառավարության առաջնահերթություններից է, և պետություն-մասնավոր համագործակցությունն անհրաժեշտ է, որպեսզի այս ոլորտում ունենանք հաջողություններ»,-նշել է նախարարի պաշտոնակատարը՝ վստահություն հայտնելով, որ այս համագործակցությունն էլ ավելի է խորանալու: Արայիկ Հարությունյանը շնորհակալություն է հայտնել նաև ծրագրում ներգրավված դպրոցների տնօրեններին՝ ընդգծելով, որ առանց վերջիններիս աջակցության՝ չէր արձանագրվի նման հաջողություն: «Մի փոքր դժվարություն կա՝ նոր դպրոցների ներառման հետ կապված, քանի որ համապատասխան մասնագետներ գտնելու և նրանց վերապատրաստելու խնդիր կա: Սակայն այս հարցը ևս հաջողությամբ լուծելու ենք և առաջ գնալու: ՏՀՏ ոլորտում բարձրակարգ մասնագետներ ունենալը նշանակում է՝ ոլորտը սպասարկող լրացուցիչ ծառայություններ մատուցող նոր աշխատատեղեր»,-նշել է Արայիկ Հարությունյանը և հավելել, որ ծրագրում կներգրավվեն նաև մարզերի ավագ դպրոցները, քանի որ ապակենտրոնացումը և մարզերի համաչափ զարգացումը ևս կառավարության առաջնահերթություններից է՝ առավել ևս, որ փորձնական ծրագրում ներգրավված Գյումրիի և Վանաձորի դպրոցները հանդիսացել են ծրագրի առաջամարտիներ:
«Սինոփսիս Արմենիա» ընկերության տնօրեն Հովիկ Մուսայելյանը ևս իր հերթին փաստել է, որ ծրագիրը բավականին մեծ հաջողությամբ է իրականացվում: «Հպարտ ենք, որ Հայաստանը միակն է աշխարհում, որի ավագ դպրոցներում այս առարկաները պարտադիր են: Սա շախմատից հետո երկրորդ ֆենոմենն է, որ արտահանվում է Հայաստանից, քանի որ անգամ զարգացած երկրների ներկայացուցիչներն են նշում դրա մասին: Գիտենք, որ կառավարությունը բարձր տեխնոլոգիաները հայտարարել է տնտեսության զագացման առաջնահերթություն, և եթե ցանկանում ենք, որ այն լինի հիմնական լոկոմոտիվը, ապա պետք է որակյալ կրթություն ապահովենք»,-նշել է նա:
«ՄՏՍ Հայաստան» ընկերության գլխավոր տնօրեն Ռալֆ Յիրիկյանի խոսքով՝ կարևոր է, որպեսզի բիզնեսն իր կուտակած փորձը փոխանցի աճող սերնդին: «Այս ծրագիրը փաստում է, որ նորարար գիտելիքներ փոխանցելով աշակերտին՝ մենք նրան մասնագիտական կողմնորոշման հնարավորություն ենք տալիս: Մասնագետ պետք է սկսել պատրաստել դեռևս ավագ դպրոցից, որպեսզի նա շուկա մտնելիս ունենա նվազագույն գիտելիքներ, որպեսզի նաև մենք կարողանանք ընտրել որակյալ կադրեր»,-նշել է բանախոսը:
«Յունիքոմփ» ընկերության գլխավոր տնօրեն Արմեն Բալդրյանն իր հերթին նշել է, որ 21-րդ դարում աշխարհը տնտեսական նոր հեղափոխության շեմին է: «Որպես Հայաստանում գործող ՏՀՏ ընկերություն, մեր ամբիցիաները բարձր են: Վստահ եմ, որ մեր երկիրը պետք է հեղափոխություն ապրի նաև տնտեսության մեջ, իսկ դրա կարևոր ուղղություններից մեկը ՏՀՏ-ն է: Առանց որակյալ կրթության հնարավոր չէ հասնել հաջողության՝ և՛ որպես պետություն, և՛ որպես առանձին ընկերություն»,-ընդգծել է նա: ՏՀՏԳՄ գործադիր տնօրեն Էդուարդ Մուսայելյանի խոսքով՝ փորձնական ծրագրի ընթացքում վերապատրաստվել է ավելի քան 20 ուսուցիչ, շուրջ 2800 աշակերտ կրթություն ստացել ՏՀՏ բնագավառում: «Ոգևորիչ է այս հարցում ԿԳՆ-ի աջակցությունը, և մենք հույս ունենք, որ ծրագրի արդյունքում հիմնանար գիտելիքներով օժտված ավելի մեծ թվով աշակերտներ կունենան»,- ընդգծել է Էդուարդ Մուսայելյանը:
Նշենք, որ համաձայն հուշագրի՝ ՀՀ կրթության և գիտության նախարարությունը կապահովի է «Միկրոէլեկտրոնիկա», «Տեղեկատվական տեխնոլոգիաներ» և «Հեռահաղորդակցության հիմունքներ» մասնագիտական առարկաների ներդրումը, կմշակի, կլրամշակի և կհաստատի այդ առարկաների չափորոշիչները և ծրագրերը, կմասնակցի դպրոցների ընտրությանը, ինչպես նաև կաջակցի դրա հանրային իրազեկմանը: «ՄՏՍ Հայաստան» ընկերությունը կմասնակցի «Հեռահաղորդակցության հիմունքներ», «Սինոփսիս Արմենիա» ընկերությունը՝ «Միկրոէլեկտրոնիկա», «Յունիքոմփ» ընկերությունը՝ «Տեղեկատվական տեխնոլոգիաներ» առարկաների չափորոշչի և ծրագրի մշակմանը և կիրականացնի այդ առարկաների ուսուցիչների վերապատրաստումը: «Յունիքոմփ» ընկերությունը նաև տեխնիկական աջակցություն կտրամադրի մասնակից ավագ դպրոցների, «Միկրոէլեկտրոնիկա», «Տեղեկատվական տեխնոլոգիաներ» և «Հեռահաղորդակցության հիմունքներ» առարկաների լաբորատորիաների և համակարգչային ցանցի սպասարկմանը: Տեղեկատվական և հաղորդակցության տեխնոլոգիաների գործատուների միությունը կաջակցի ծրագրին՝ նպաստելով նոր գործընկերների ներգրավմանը, ինչպես նաև կիրականացնի ծրագրի մոնիթորինգը և դպրոցների ընտրությունը:
↧
ՀՀ կրթության և գիտության նախարարության, ՎիվաՍել-ՄՏՍ, Սինոփսիս Արմենիա, Յունիքոմփ ընկերությունների և ՏՀՏ գործատուների միության միջև ստորագրվել է փոխըմբռնման հուշագիր
↧
Փաշինյանը վերահաստատում է լիակատար աջակցությունն Արցախի իշխանություններին
Արմինֆո.Հայաստանի հանրապետական կուսակցությունը և Դավիթ Շահնազարյանը (ՀՀԿ խորհրդարանական թեկնածու) արդեն վաղուց ձախողվել են խորհրդարանական ընտրություններում: Այսպես է մեկնաբանել Հայաստանի վարչապետի պաշտոնակատար Նիկոլ Փաշինյանը Շահնազարյանի այն հայտարարությանը, թե «Իմ քայլը» դաշինքի այսօրվա հանրահավաքն ուղղված է առաջիկա ընտրությունների ձախողմանը:
Անդրադառնալով «Սասնա ծռեր» կուսակցության հայտարարությանը, որ անհրաժեշտ է ձևավորել համաձայնության կառավարություն, Փաշինյանը նշել է, որ դրա կարիքը չի տեսնում, քանի որ արդեն ձևավորվել է լայն հանրային մանդատ ունեցող կառավարություն:
Անդրադառնալով «Սասնա ծռեր» կուսակցության անդամ Ժիրայր Սեֆիլյանի մեկ այլ հայտարարությանը, որ նոր խորհրդարանը, որը դեկտեմբերի 9-ի ընտրություններից հետո ձևավորվելու է, կշարունակի գործել առավելագույնս 1-1,5 տարի, քանի որ հիմնական բարեփոխումները չեն իրականացվել: Մասնավորապես, վարչապետի պաշտոնակատարն ասել է. «Որո՞նք են այն հիմնական փոփոխությունները, որոնք մենք չենք իրականացրել: Ես համոզված եմ, որ Հայաստանում բոլորը կունենան երկար կյանք: Ինչ վերաբերում է նոր խորհրդարանին, ընտրվում է գործելու նպատակով և գործելու է սահմանված ժամկետներում, եթե, իհարկե, չկան այլ հանգամանքներ: Դա կորոշի ժողովուրդը: Այս խորհրդարանը կլինի լեգիտիմ, վայելելով ժողովրդի վստահությունը, և բոլորը պետք է դրա հետ հաշվի նստեն, քանի որ այս ընտրությունները կլինեն ազատ, արդար, անկախ և թափանցիկ»:
Միևնույն ժամանակ, նա հավաստիացրել է, որ այսօր միջազգային կազմակերպություններն ամրագրում են Հայաստանում խոսքի ազատության աննախադեպ բարձր մակարդակը: Վարչապետի խոսքով, այս մասին խոսում են եվրոպացի դեսպանները, և այդ պայմաններում ընտրված խորհրդարանը, բնականաբար, կլինի լեգիտիմ, ուժեղ և օժտված ժողովրդի մանդատով:
Անդրադառնալով Արցախում հեղափոխության անհրաժեշտության մասին Ժիրայր Սեֆիլյանի հայտարարությանը, «պայթյունից» խուսափելու համար, Փաշինյանը նշել է, որ արդեն խոսել է այդ հարցի մասին և լիակատար աջակցություն է հայտնում Լեռնային Ղարաբաղի ներկա իշխանություններին: «Ես համոզված եմ, որ Արցախում կանցկացվեն հերթական ընտրությունները, որոնցով մարդիկ կձևավորեն լիգիտիմ իշխանություն, և ես համոզված եմ, որ Արցախի հետ կապված բոլոր հարցերում իր վճռական խոսքն ունի Արցախի ժողովուրդը, և հենց այսպես ենք մենք ընկալում ԼՂՀ-ն»,-ասել է վարչապետը:
Հարցին, թե ինչ պետք է ժողովուրդն ակնկալի ընտրություններից հետո, Փաշինյանն ասել է,որ պետք է ակնկալել տնտեսական հեղափոխություն: Բայց նա չի խոսել կառավարության հնարավոր փոփոխությունների մասին, կոչ անելով սպասել ընտրությունների արդյունքներին:
↧
↧
«Օրինաց երկիր» կուսակցությունը ներկայացրեց երկրի առթղջացման ծրագրի 50 քայլերը
Արմինֆո.«Օրինաց երկիր» կուսակցությունը ներկայացրեց երկրի առողջացման 50-քայլանոց ծրագիրը:
Ծրագրով, որը շնորհանդեսի ժամանակ ներկայացրեց «Օրինաց երկիր» կուսակցության առաջնորդ Արթուր Բաղդասարյանը, նախատեսում է հիփոթեքային վարկերի տոկոսադրույքների նվազում, ընդհանուր առողջապահական ապահովագրության ներդրում, Զինված ուժերում պայմանագրային ծառայության ներդրում, սահմանային ենթակառուցվածքների արդիականացում:
Նա նաև նշել է, որ ընտրություններին ՕԵԿ-ը կներկայանա մրցակցային թիմով: Միևնույն ժամանակ, Բաղդասարյանը նշել է, որ կուսակցության համար ընտրություններին մասնակցելու որոշումն ընդունելը հեշտ չէր, չնայած այն հանգամանքին, որ առաջին օրիցսատարել են հեղափոխական գործընթացներին երկրում: «Սակայն, 8 ամիս է անցել հեղափոխությունից, բայց նոր իշխանություններն արդեն հասցրել են հիասթափեցնել իրենց կադրային քաղաքականությամբ և նրանով, որայդպես էլ չեն ներկայացրել երկրի զարգացման ծրագիրը», - եզրափակել է Բաղդասարյանը:
Նշենք, որ Գելլապ Ինթերնեշնլ- ի կողմից անցկացված հարցման համաձայն, ՕԵԿ-ն առաջիկա ընտրություններում կստանա քվեների 0,1% -ը: Իսկ «հակառեյտինգ» անվանակարգում այս կուսակցությունը երկրորդն է:
↧
«Քրիստոնեա-դեմոկրատական վերածնունդ» կուսակցությունը չի հավատում Gallup- ի հարցումներին և գտնում է, որ կհայտնվի նոր խորհրդարանում
Արմինֆո.«Քրիստոնեա-դեմոկրատական վերածնունդ» կուսակցությունը չի հավատում Gallup- ի հարցումներին և գտնում է, որ կհայտնվի նոր խորհրդարանում: Այս մասին այսօր լրագրողների հետ հանդիպման ժամանակ ասել է կուսակցության ղեկավար, քաղաքագետ Լևոն Շիրինյանը:
Նա չի բացառել, որ հարցման պահին կուսակցության վարկանիշը կարող էր ցածր լինել, քանի որ այն ստեղծվել է այդ ժամանակ: «Բայց մեր ցուցակն աճում է երկրաչափական պրոգրեսիայով, և մենք գտնում ենք, որ խորհրդարանում կունենանք գործընկերների և համախոհների մեծ խումբ», - ասել է նա: Շիրինյանը նաև ընդգծել է, որ ՔԴՎ կուսակցությունը մեկ մարդու կուսակցություն չէ, ի տարբերություն մյուս քաղաքական ուժերի: «Սա ժողովրդավարական կուսակցություն է, որը քարոզում է ազգային պահպանողական արժեքներ, որն իրեն չի տեսնում այլ քաղաքական ուժերի դաշինքի կազմում»:
Իր հերթին կուսակցության վարչության անդամ Հայկ Սուքիասյանն ասել է, որ կուսակցությունն ունի կոնկրետ քաղաքական և տնտեսական ծրագիր: «Տնտեսական հարթությունում մենք դեմ ենք ազատականության այն ձևին, որն այժմ կիրառվում է Հայաստանում: Մենք համարում ենք, որ դա անհրաժեշտ է անցնել օրթոլիբերալիզմի, այսինքն, շուկայական տնտեսության սոցիալիստական համակարգի», - ասել է նա:
Ինչպես հայտնել է կուսակցության անդամ Մարիամ Մանուկյանը, կուսակցության խորհրդանիշը սպիտակ աղավնին է, որը կուղեկցի նրանց ողջ քարոզարշավի ընթացքում: «Դա Նոյի աղավնին է, որը բերեց համաշխարհային ջրհեղեղի ավարտի բարի լուրը», - պարզաբանել է Մանուկյանը, հավելելով, որ կուսակցությունը կսկսի իր նախընտրական քարոզարշավը նոյեմբերի 26-ին, Հանրապետության հրապարակից և կշարժվի դեպի Մայր Աթոռ Սուրբ Էջմիածին, որտեղ Հռիփսիմե եկեղեցում կստանալու նախընտրական քարոզարշավն սկսելու օրհնությունը:
Հիշեցնենք, ի դեպ, որ Մայր Աթոռ Սուրբ Էջմիածինն այսօր հանդես է եկել հայտարարությամբ, մարդկանց հրավիրելով քարոզարշավի մեկնարկից առաջ այցելել եկեղեցի և մասնակցել Սուրբ Պատարագին:
↧
Փաշինյան. Երկրի տնտեսական հեղափոխությունն արդեն սկսվել է և «ով աչքեր ունի », արդեն տեսնում է արդյունքները
Արմինֆո. ՀՀ վարչապետի պաշտոնակատարը ևս մեկ անգամ հաստատել է, որ այսօր քննարկման փուլում են գտնվում 500 մլն դոլարի ներդրումային նախագծեր:
Լրագրողների հարցին, արդյոք ներգրավվելու են 500 մլն դոլարի ներդրումային նախագծերը, նա, մասնավորապես, ասել է. «Իհարկե, այդ ծրագրերը ուժի մեջ են, և եթե ամեն ինչ լավընթանա, մենք կտեսնենք այդ ներդրումային ծրագրերը: Դրան այժմ քննարկումների փուլում են, մի քանի քայլ արդեն անցել են, և թվում է, որ մենք հաջողությամբ առաջ ենք շարժվում»:
Բայց Փաշինյանը որոշեց պահպանել հանրապետությունում նոր արտադրանքի ստեղծման հարցի շուրջ ինտրիգը, և միայն ասել է, որ շուտով կվերանորոգվի կենցաղային տեխնիկայի և հեռուստատեսության արտադրությունը Մերձավանում: Նա համոզմունք է հայտնել, որ այս հայկական բրենդը կունենա հաջող ապագա: «Ես նաև նախատեսում եմ մասնակցել Շիրակի մարզում ձեռնարկության բացմանը, մենք առաջընթաց ունենք տեքստիլի ոլորտում, և երբ հարցնում են կախարդական փայտիկի մասին, որի միջոցով ամեն ինչ կառողջանա, կարող եմ միայն ասել, որ նման օրինակներից մեկն անշարժ գույքի շուկայի աշխուժացումն է: Մի բան պարզ է, պահպանելով այդ դինամիկան, շինարարության ոլորտում մենք կունենանք վերականգնման նոր փուլ: Մենք արդեն վերականգնում ենք արձանագրել այնպիսի ոլորտներում, ինչպիսիք են թեթև արդյունաբերության, հանքարդյունաբերության ոլորտները: Եվ երբ լեռնահումքային ոլորտը բերենք նորմալ վիճակի և այն սկսի նորմալ գործել, ապա մեր տնտեսությունը, իրոք. Կմտնի իսկական հեղափոխական փուլ, ինչն իր հերթին նշանակում է լայն տնտեսական հնարավորություններ: Մեր կոչն այն է, որ մեր հայրենակիցներն օգտվեն այդ հնարավորություններից», - ասել է նա:
Փաշինյանը հիշեցրել է, որ ընտրություններից հետո նախատեսում են ընդունել նոր հարկային օրենսգիրքը, որը բոլորի համար հավասար և արդար հնարավորություններ կստեղծի: Ըստ նրա: կառավարությունը կխրախուսի բիզնեսը, դրա զարգացումը և հարստացումը, բարեկեցիկ աշխատանքը:
Նա նաև չհամաձայնեց այն փաստի հետ, որ 2019 թ. աշխատավարձերի և թոշակների բարձրացում չի լինի: Նրա խոսքերով, եկամտահարկի նվազեցման դեպքում 350 հազար քաղաքացիների աշխատավարձերը կբարձրանան, ընդ որում, այս տարվա հուլիսի 1-ից արդեն բարձրացել են 206 հազար քաղաքացիների աշխատավարձերը: Բացի այդ, տարբեր պետական գերատեսչություններում, գործունեության արդյունավետության բարձրացման շնորհիվ, արդեն բարձրացել են աշխատավարձերը, բարձրացել են նաև 85 հազար քաղաքացիների կենսաթոշակները և նպաստները: Նա նաև վստահեցրել է, որ 2019 թվականին, Օրենքի ընդունումից հետո, Հայաստանում պահանջվող կենսապահովման նվազագույն չափից ցածր կենսաթոշակային և նպաստներ չեն լինելու:
Որպես մեկ այլ հաջողություն, Փաշինյանը նշել է գրանցված աշխատողների թվի 38 հազարով աճը 2-3 ամսվա ընթացքում, ինչպես նաև կեղծիքների բացակայությունն
ընտրությունների ընթացքում: Գործող վարչապետը հավաստիացրել է «կախարդական փայտիկը» Հայաստանում ամեն օր աշխատում է: Փաշինյանը նաև շնորհակալություն է հայտնել այն բոլոր գործատուներին, ովքեր արձագանքեցին իր կոչին և դուրս եկան «ստվերից»: «Դա իրենց կողմի հստակ ուղերձ էր, որ նրանք պատրաստ են աշխատել և կառուցել նոր Հայաստանը, հարստացնել ժողովրդին և պետությանը: Կցանկանայի նաև նշել, որ հոկտեմբերին Հայաստանում հանքարդյունաբերության 15% անկմամբ արձանագրվեց տնտեսական աճ, ընդ որում, փոքր և միջին բիզնեսի շնորհիվ: Մենք 8,5% աճ ենք ապահովել արդյունաբերության ոլորտում: Իսկ 2017-ին այդ աճը հիմնականում ապահովվել էր հանքարդյունաբերության շնորհիվ: Հայաստանը չի կարող գոյատևել միայն ագրարային հատվածի հաշվին, և պետք է դառնա բարձր տեխնոլոգիաների արդյունաբերական երկիր», - ասել է նա:
Վերջում նա մեկ անգամ ևս ընդգծել է, որ երկրում տնտեսական հեղափոխությունն արդեն սկսվել է և «ով ունի աչքեր», նա արդեն տեսնում է արդյունքները:
↧
↧
Երևանում տեղի է ունենում «Ադրբեջանից հայ փախստականները. Քաղաքական, մշակութային և սոցիալական խնդիրները 30 տարի անց» խորագրով գիտաժողով
Արմինֆո.Հայաստանի գիտությունների ազգային ակադեմիայում մեկնարկել է «Հայ փախստականներն Ադրբեջանից. Քաղաքական, մշակութային և սոցիալական խնդիրները 30 տարի անց» գիտագործնական կոնֆերանսը:
Ինչպես հայտարարել է ՀՀ Տարածքային կառավարման և զարգացման նախարարության Միգրացիոն պետական ծառայության պետ Արմեն Ղազարյանը, դեռ շատ բան պետք է արվի Ադրբեջանից հայ փախստականների խնդիրների առումով: Ըստ նրա, կառույցն առաջին հերթին պատասխանատու է փախստականների կողմից Հայաստանի քաղաքացիություն ստանալու համար, բայց կա նաև փախստականներին բնակարանով ապահովելու խնդիրը: Նրա խոսքերով, այսօր դա փախստականների ամենակարևոր խնդիրն է:
Միևնույն ժամանակ, պաշտոնյան նշել է, որ կառավարությանվերջնական նպատակը փախստականների վերջնական ինտեգրումն է: Ղազարյանը նաև ընդգծել է փախստականների հիմնախնդիրներն առավել արդյունավետ լուծելու նպատակով ծառայությունների ֆինանսավորման ավելացման անհրաժեշտությունը:
↧
Արցախում է Մերձդնեստրի Հանրապետության պատվիրակությունը
Արմինֆո. Նոյեմբերի 24-ին Արցախի Հանրապետության արտաքին գործերի նախարար Մասիս Մայիլյանը հանդիպել է Մերձդնեստրի Մոլդովական Հանրապետության (ՄՄՀ) պատվիրակության հետ՝ ՄՄՀ կառավարության ղեկավարի տեղակալ Ալեքսեյ Ցուրկանի գլխավորությամբ։
Ինչպես տեղեկացրել է Արցախի ԱԳՆ մամուլի ծառայությունը, ԱԳՆ ղեկավարը գոհունակությամբ է նշել երկու երկրների միջև հաստատված հարաբերությունների բարձր մակարդակը թե՛ արտաքին քաղաքական գերատեսչությունների և թե՛ պետական կառավարման համակարգի այլ մարմինների միջև։
Այս համատեքստում Մասիս Մայիլյանը բարձր է գնահատել նախօրեին՝ նոյեմբերի 23-ին, Ստեփանակերտում կայացած՝ փոխադարձաբար առևտրային ներկայացուցչություններ հիմնադրելու մասին երկու երկրների կառավարությունների միջև համաձայնագրի ստորագրումը։ Կողմերի գնահատմամբ՝ համաձայնագիրը կլրացնի երկկողմ հարաբերությունների իրավապայմանագրային բազան և կարևոր քայլ կհանդիսանա տնտեսության ոլորտում կայուն փոխգործակցության հաստատման համար։
Հանդիպմանը նաև քննարկվել են երկու երկրների միջև համագործակցության ընդլայնման հեռանկարային ուղղությունների և համատեղ գործնական ծրագրերի իրականացման վերաբերյալ մի շարք հարցեր։
↧
Արտաշատում բացվեց անգլերենի և աշխատանքային հմտությունների զարգացման երկու կենտրոն
Արմինֆո.ՀՀ Արարատի մարզի Արտաշատ քաղաքի միջին մասնագիտական կրթական երկու հաստատությունում նոյեմբերի 23-ին բացվեց Զարգացման երկու կենտրոն, որոնց նպատակն է բարելավել 17-ից 20 տարեկան երիտասարդների անգլերենի և աշխատանքային հիմնարար հմտությունները: Նախագիծն իրականացվում է Բրիտանական խորհրդի «Անգլերենը և աշխատանքային հմտությունները կարիերայի զարգացման համար» ծրագրի շրջանակում՝ «Էյչ-Էս-Բի-Սի Բանկ Հայաստան» ՓԲԸ-ի ֆինանսավորմամբ:
Զարգացման կենտրոնները կառաջարկեն անգլերենի լրացուցիչ դասընթացներ և աշխատանքային հմտությունների վերաբերյալ վերապատրաստումներ, որոնք մասնակիցներին կզինեն ապագա աշխատանքի հիմնարար և կիրառելի հմտություններով` խթանելով նրանց մասնագիտական մրցունակությունը:
Կենտրոնների բացման հանդիսավոր արարությանը ներկա էին «Էյչ-Էս-Բի-Սի Բանկ Հայաստան» ՓԲԸ-ի գլխավոր գործադիր տնօրեն Փոլ Էդգարը, Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը, ինչպես նաև ՀՀ կրթության և գիտության նախարարության նախնական և միջին մասնագիտական կրթության վարչության պետ Արտակ Աղբալյանը:
Միջոցառմանը ողջույնի խոսքով հանդես եկավ «Էյչ-Էս-Բի-Սի Բանկ Հայաստան» ՓԲԸ-ի գլխավոր գործադիր տնօրեն Փոլ Էդգարը. «Մենք վաղուց համագործակցում ենք Բրիտանական խորհրդի հետ տարբեր ծրագրեր իրականացնելով, սակայն կարևորում եմ հատկապես այս ծրագիրը, քանի որ երիտասարդներին ուսուցանելով անգլերեն և աշխատանքային հմտություններ, ծրագիրը կենտրոնանում է ոչ թե Երևանում, այլ համայնքներում: Մենք համարում ենք, որ կրթությունը համաշխարհային տնտեսության զարգացման հարցում կարևորագույն գործոն է: Վստահ եմ, որ այս ծրագիրը կնպաստի երիտասարդների ավելի պայծառ և հարուստ ապագա ունենալուն»:
ՀՀ ԿԳՆ վարչության պետ Արտակ Աղբալյանն իր խոսքում կարևորեց աշխատանքային հմտությունների ուսուցումը՝ որպես կարիերայի զարգացման ամենակարևոր օղակներից մեկր:
«21-րդ դարի աշխատաշուկայում առանց լրացուցիչ հմտությունների, մասնավորապես, լավ կամ գերազանց օտար լեզուների իմացության, աշխատանք գտնելու հնարավորությունը բավականին փոքրանում է և Բչիտանական խորհրդի հետ մեր այս տարիների համագործակցությունը կնպաստի դրան», - ասաց Արտակ Աղբալյանը:
Բրիտանական խորհրդի Անգլերենի ծրագրերի ղեկավար Ադդէ Հովասափյանը իր խոսքում նշեց. «Այս ծրագրի հիմնական նպատակն է ուսանողներին տրամադրել հնարավորություն, որպեսզի բարելավեն անգլերենի իմացությունը, և շեշտը դրված է հաղորդակցության վրա, որպեսզի ուսանողներն ավելի արագ, ավելի հեշտ և ավելի արդյունավետ մուտք գործեն աշխատաշուկա: Այսօր անգլերենը համարվում է աշխատանքային ոլորտի ամենակարևոր հմտություններից մեկը»:
Ծրագրի շրջանակում շուրջ 80 ուսանող կհաճախի անգլերենի, առնվազն 210-ը` «Աշխատանքային հմտություններ» դասընթացներին: Մասնակիցներին կտրվի նաև ստաժավորման և աշխատանքի հնարավորություն գործընկեր կազմակերպություններում: Կենտրոնների բացմանն ընդառաջ, անգլերենի 11 ուսուցիչ և 5 «Աշխատանքային հմտություններ» դասընթացի թրեյներ վերապատրաստում են անցել Բրիտանական խորհրդի կողմից, որոնք կհամակարգեն կենտրոնների գործունեությունը:
«Անգլերենը և աշխատանքային հմտությունները կարիերայի զարգացման համար» ծրագիրն իրականացվում է Էյչ-Էս-Բի-Սի Բանկ Հայաստանի ֆինանսավորմամբ:
Լրացուցիչ տեղեկությունների համար դիմել Բրիտանական խորհրդի հայաստանյան մասնաճյուղի հանրային կապերի պատասխանատու Արտյոմ Մկրտչյանին` 044291131, 010 55 29 45 (5104), Artyom.Mkrtchyan@britishcouncil.am կամ այցելել www.britishcouncil.am կայքը:
↧
Նիկոլ Փաշինյանն արձակուրդ է վերցրել քարոզարշավին լիարժեք մասնակցելու նպատակով
Արմինֆո.Վարչապետի պաշտոնակատար, «Իմ քայլը՚ դաշինքում ընդգրկված «Քաղաքացիական պայմանագիր՚ կուսակցության վարչության անդամ Նիկոլ Փաշինյանը, որը գլխավորում է դաշինքի համամասնական ցուցակը, արձակուրդ է վերցրել` դեկտեմբերի 9-ին կայանալիք արտահերթ խորհրդարանական ընտրությունների քարոզարշավին լիարժեք մասնակցելու նպատակով:
«Վաղվանից արձակուրդ եմ վերցնում՝ քարոզարշավին լիարժեք մասնակցելու համար՚, - նախօրեին «Ֆեյսբուքի՚ իր էջում գրել է Նիկոլ Փաշինյանը: Նա նաև հաղորդել է, որ «Իմ քայլը՚ դաշինքի նոյեմբերի 26-ի նախընտրական հանդիպումները անցկացնելու են հետևյալ ժամանակացույցով. ժամը 11.00-ին` Թալինում, 13.30-ին` Մարալիկում, 15.00-ին` Արթիկում, 17.00-ին` Գյումրիի Վարդանանց հրապարակում:
↧
↧
COMBO հատուկ առաջարկ մարզային բնակիչների համար
Արմինֆո. Beeline-ը տեղեկացնում է, որ Հայաստանում ամենապահանջված BeeTV հավելվածը համալրվել է հեռուստատեսության ժամանակակից հնարավորություններով և այն արդեն հասանելի է COMBO՝ 4-ը 1-ում ծառայությունների փաթեթով:
Միանալով COMBO մարզային փաթեթին՝ բաժանորդները կստանան բջջային կապ, ֆիքսված ինտերնետ, ֆիքսված հեռախոսակապ և նորագույն BeeTV հեռուստատեսություն՝ ամսական ընդամենը 7990 դրամով: Բացի այդ, COMBO բաժանորդները հզոր TV ընդունիչներով կկարողանան դիտել իրենց տարածաշրջանում հասանելի հանրային բոլոր հեռուստաալիքները՝ առանց որևէ հավելյալ սարքի, ինչպես նաև YouTube՝ անկախ հեռուստացույցի մոդելից:
Ավելին, բաժանորդները կարող են դիտել BeeTV հեռուստատեսությունն ամենուր՝ ներբեռնելով բջջային հավելվածն iOS կամ Android համակարգերի համար: Հավելվածը համալրվել է հարուստ տեսադարանով, հեռուստաալիքների գնման, մինչև 7 օր catch-up, հաղորդումների հիշեցման և բազմաթիվ այլ հնարավորություններով: Այդ ամենը հասանելի է Beeline-ի գործող և նոր բաժանորդների համար:
«Beeline-ը մշտապես զարգացնում է իր ծառայությունները, հատկապես համակցված առաջարկները, որոնք շատ պահանջված են մեր բաժանորդների շրջանում և թույլ են տալիս առավելագույնս օգտվել ժամանակակից տեխնոլոգիաների ընձեռած հնարավորություններից։ Դրանք օր օրի դառնում են էլ ավելի պարզ, հարմար և շահավետ։ Վստահ եմ, մարզերի մեր բնակիչները կգնահատեն այս փոփոխությունները և սիրով կօգտվեն նոր ծառայություններից», - նշեց Հայաստանում Beeline գլխավոր տնօրեն Անդրեյ Պյատախինը։
Լրացուցիչ տեղեկատվություն կարելի է ստանալ www.beeline.am կայքում, հաղորդագրություն ուղարկելով Facebook սոցիալական ցանցում Beeline Armenia պաշտոնական էջին կամ զանգահարելով 0611 անվճար համարին։
↧
Նիկոլ Փաշինյանը ներկայացրել է «Իմ քայլը՚ դաշինքի նախընտրական ծրագիրը
Արմինֆո. «Իմ քայլը՚ դաշինքի քաղաքական թիմն այս պահի դրությամբ կատարել է ժողովրդի հանդեպ ստանձնած բոլոր պարտավորությունները: Այդ մասին հայտարարել է վարչապետի պաշտոնակատար Նիկոլ Փաշինյանը նոյեմբերի 25-ին միջոցների հանգանակությանը նվիրված երեկոյի ընթացքում` ներկայացնելով «Իմ քայլը՚ դաշինքի նախընտրական ծրագիրը: Դաշինքին հաջողվել է հանգանակել 230 մլն դրամ, որը կուղղորդվի նախընտրական քարոզարշավի ֆինանսավորմանը:
Փաշինյանի ասելով, իր գլխավորած քաղաքական թիմն իշխանությունը վերադարձրել է ժողովրդին և ակնկալում է համաժողովրդական վստահության քվե` առաջիկա հինգ տարում երկրի կառավարման ղեկին լինելու համար: Փաշինյանի ասելով, իրենց համար կարևորագույն խնդիրը տնտեսական հեղափոխության իրագործումն է` քաղաքական հեղափոխության արդյունքների ամրագրմամբ, ինչը ենթադրում է Հայաստանի տնտեսության կառուցվածքային փոփոխություն, որը համապատասխանի ազգային անվտանգության պահանջներին և ազգային շահերին: Նա ընդգծել է, որ առաջիկա հինգ տարվա կառավարության գերակայությունը կլինի Հայաստանի տնտեսության փոխակերպումը ագրարայինից արդյունաբերականի և բարձրտեխնոլոգիականի:
Վարչապետի պաշտոնակատարը հայտարարել է, որ կառավարության գերակայությունները նպատակաուղղված են ազգային անվտանգության ապահովմանն ու Արցախի միջազգային ճանաչմանը, ինչպես նաև աղքատության հաղթահարմանը` բոլորի համար հավասար պայմաններ հաստատելու միջոցով: Աղքատության հաղթահարման համար կառավարությունը նախատեսում է միկրոձեռնարկատիրությունն ազատել հարկային պարտավորություններից, ինչն աշխատանքի խրախուսման գլխավոր պայման է: Նրա համոզմամբ, Հայաստանը տեխնոլոգիական երկիր դարձնելուն միտված կարևորագույն քայլերից մեկը կլինի եկամտահարկի նվազեցումը 13 տ.կ.` դրանով իսկ խրախուսելով աշխատատեղերի ստեղծումը տեխնոլոգիական ոլորտում և բարձր աշխատավարձերի հաստատումը: Նիկոլ Փաշինյանի հավաստմամբ, նոր կառավարության ուղերձը հասցվել է գործարար շրջանակներին, և առաջիկայում Հայաստանի տնտեսությունում ակնկալվում են ֆինանսական ներարկումներ:
Անդրադառնալով արտաքին քաղաքականությանը` վարչապետի պաշտոնակատարը հերթական անգամ հայտարարել է, որ կառավարույթյան գերակայություններն անփոփոխ են. Ռուսաստանի հետ ռազմավարական դաշինքի ամրապնդում, ռազմավարական հարաբերությունների հաստատում Իրանի և Վրաստանի հետ, ԱՄՆ, ԵՄ, Չինաստանի, Հնդկաստանի և Ճապոնիայի հետ հարաբերությունների զարգացման շարունակում` ոչ այլ երկրների հետ հարաբերությունների հաշվին: Նա նաև նշել է, որ Հայաստանը կշարունակի մասնակցությունը ԵԱՏՄ-ին, ինչպես նաև` ՀԱՊԿ-ին, ակնկալելով, որ այն հարցերը, որոնք վերջին 10 տարում բաց էին մնում դրա մասնակիցների համար, որոշակի պատասխաններ կստանան:
Նիկոլ փաշինյանը նաև պարզաբանել է, թե «Իմ քայլը՚ ինչպես է պատրաստվում իրագործել նախընտրական կարգախոսը` «Երջանիկ անհատ, հոգատար հասարակություն, հզոր պետություն՚: Նրա համոզմամբ, դա ենթադրում է երկրի քաղաքացիների ազատության, արդարության, անվտանգության ապահովում, յուրաքանչյուր քաղաքացու արժանապատվության պաշտպանություն: Նրա համոզմամբ, Հայաստանում պետք է բացառվեն տնտեսական և քաղաքական հետապնդումները, և այդ հարցում իշխանությունը փոխզիջում չի հանդուրժելու: Փաշինյանի ասելով, նոր կառավարության կարևորագույն խնդիրը կլինի ժողովրդի մտածելակերպի փոփոխությունը: «Բոլորը, ովքեր քվեարկեն «Իմ քայլը՚ դաշինքի օգտին, կքվեարկեն հօգուտ լավատեսության՚, - հայտարարել է Նիկոլ Փաշինյանը:
↧
Հայաստանի ԱԳՆ պարզում է հայերի կամ ՀՀ քաղաքացիների առկայությունն Իրանում երկրաշարժից տուժածների շրջանում
Արմինֆո.Հայաստանի արտգործնախարարությունը պարզում է հայերի կամ ՀՀ քաղաքացիների առկայությունն Իրանում երկրաշարժից տուժածների շրջանում: ԱրմԻնֆո-ի թղթակցի հետ զրույցում այդ մասին հայտարարել է ԱԳն մամլո խոսնակ Աննա Նաղդալյանը:
Նոյեմբերի 25-ին` տեղական ժամանակով ժամը 20:37-ին (Գրինվիչի ժամանակով` ժամը 16:37-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 34.310 և արևելյան երկայնության 45.730 աշխարհագրական կոորդինատներով (Իրան-Իրաք սահմանային գոտի, Սարպոլ-է Զահաբ քաղաքից 21 կմ հարավ-արևմուտք), օջախի 10 կմ խորությամբ, 6.3 մագնիտուդով երկրաշարժ: Ստորգետնյա ցնցման ուժգնությունն էպիկենտրոնում կազմել է 8-9 բալ: Ըստ տեղական լրատվամիջոցների՝ երկրաշարժի հետևանքով կա 500-ից ավելի տուժած:
↧
Արմեն Սարգսյանը Բեռլինում բանակցություններ կվարի Անգելա Մերկելի հետ
Արմինֆո.Հայաստանի նախագահ Արմեն Սարգսյանը նոյեմբերի 28-ին կայցելի Բեռլին: ԳԴՀ կառավարության ներկայացուցիչ Շտեֆեն Զայբերտի հայտարարության համաձայն, նույն օրը Հայստանի նախագահին կընդունի Գերմանիայի կանցլեր Անգելա Մերկելը, և տեղի կունենան բանակցություններ:
SWI հաղորդման համաձայն, Գերմանիայի կառավարության ներկայացուցիչը հավելել է, որ բանակցությունների ընթացքում անդրադարձ կլինի երկկողմ համագործակցությանը, խորհրդարանական ընտրությունների նախաշեմին Հայաստանում առկա իրավիճակին, ինչպես նաև միջազգային հարցերի:
↧
↧
Արա Բաբլոյանն ու ՍԾՏՀ ԽՎ գլխավոր քարտուղարը քննարկել են Երևանում ՍԾՏՀ ԽՎ 52-րդ լիագումար նստաշրջանի անցկացմանն առնչվող հարցեր
Արմինֆո.ՀՀ Ազգային ժողովի նախագահ Արա Բաբլոյանը նոյեմբերի 26-ին ընդունել է Սեւծովյան տնտեսական համագործակցության խորհրդարանական վեհաժողովի գլխավոր քարտուղար Ասաֆ Հաջիեւին: Հանդիպմանը ներկա է եղել ՍԾՏՀ ԽՎ-ում ՀՀ ԱԺ պատվիրակության ղեկավար Գագիկ Մինասյանը:
Ինչպես ԱրմԻնֆո-ին հաղորդեցին ԱԺ մամուլի ծառայությունից, ողջունելով հյուրին՝ Արա Բաբլոյանը կարեւորել է ՍԾՏՀ ԽՎ 52-րդ լիագումար նստաշրջանի աշխատանքների անցկացումը Երեւանում: Խորհրդարանի ղեկավարի խոսքով՝ կազմակերպությունը բազմակողմանի տնտեսական համագործակցության յուրահատուկ հարթակ է, որը կարող է նպաստել տարածաշրջանային կապերի խորացմանն ու ամրապնդմանը:
Ազգային ժողովի նախագահը վստահեցրել է, որ լիագումար նստաշրջանի անցկացման համար հայակական կողմը արել է հնարավորը եւ ակնկալվում է արդյունավետ աշխատանք:
Ասաֆ Հաջիեւը, շնորհակալություն հայտնելով ընդունելության համար, համոզմունք է հայտնել, որ նիստերը կանցնեն շահագրգիռ քննարկումների ու փոխհամաձայնության մթնոլորտում:
Զրուցակիցները քննարկել են նստաշրջանի աշխատանքներին վերաբերող ընթացակարգային հարցեր, անդրադարձել սեւծովյան տարածաշրջանում առկա իրավիճակին, ներկայացրել իրենց տեսակետները որոշ խնդիրների առնչությամբ:
↧
Բակո Սահակյանը հանդիպումներ է ունեցել ռուսաստանաբնակ մի խումբ հայ գործարարների և բարերարների հետ
Արմինֆո. Նոյեմբերի 24-26-ը Արցախի Հանրապետության Նախագահ Բակո Սահակյանը Մոսկվա քաղաքում հանդիպումներ է ունեցել ռուսաստանաբնակ մի խումբ հայ գործարարների եւ բարերարների հետ:
Քննարկվել են Արցախում տարբեր ծրագրերի իրականացմանն առնչվող հարցեր:
Նախագահ Սահակյանը գոհունակությամբ նշել է, որ ռուսաստանաբնակ մեր հայրենակիցներն ակտիվորեն մասնակցում են Արցախի զարգացման եւ շենացման գործին՝ հույս հայտնելով, որ համագործակցության բարձր դինամիկան կպահպանվի նաեւ ապագայում:
↧
կուսակցությունն արձագանքել է Նիկոլ Փաշինյանի հայտարարությանը
Արմինֆո.«Սասնա Ծռերե համահայկական կուսակցությունն արձագանքել է Արթիկ քաղաքում տեղի ունեցած հանրահավաքի ժամանակ ՀՀ վարչապետի պաշտոնակատար Նիկոլ Փաշինյանի կողմից արված հայտարարությանը:
<Երեկ՝ 2018 թ. նոյեմբերի 26-ին, ՀՀ ԱԺ ընտրությունների քարոզարշավի շրջանակներում, Արթիկ քաղաքում տեղի ունեցած հանրահավաքի ժամանակ ՀՀ վարչապետի ժամանակավոր պաշտոնակատար, ՀՀ ԱԺ պատգամավորության թեկնածու, «Իմ Քայլըե դաշինքի առաջնորդ Նիկոլ Փաշինյանը, «Սասնա Ծռերե համահայկական կուսակցության ներկայացուցիչներին ուղղված իր հայտարարության մեջ կատարել է անհիմն պնդումներ, օգտագործել է սպառնալիքներ և վիրավորական ենթատեքստ ունեցող արտահայտություններ:
Մեզ համար խիստ տարակուսելի է պարոն Փաշինյանի նման հայտարարությունը, ուստի հուսով ենք, որ նա առաջին իսկ առիթի դեպքում կպարզաբանի իր խոսքը:
Մինչ այդ՝ վերահաստատում ենք մեր աջակցությունը հեղափոխությանն ու նրա նպատակներին և շարունակում ենք պնդել, որ, մեր համոզմամբ, ներկայիս ընտրությունների պայմանները, մեր ազգի ու պետության առջև ծառացած մարտահրավերները և դրանցով պայմանավորված հասարակական-քաղաքական զարգացումների միտումները մոտավորապես մեկուկես-երկու տարի անց հանգեցնելու են նոր արտահերթ ընտրությունների անհրաժեշտության:
Այդ համոզմունքից ելնելով, մենք առաջարկել ենք համապատասխան նախընտրական ծրագիր, որը պարունակում է նաև Նոր Սահմանադրություն և նոր Ընտրական օրենսգիրք ու Կուսակցությունների մասին նոր օրենք ընդունելու առաջարկություն, որպեսզի նոր արտահերթ ընտրություններին հասնենք կազմ ու պատրաստ վիճակում և, զուգահեռաբար՝ լուծենք այն խնդիրները, որոնք այսօր էլ կանգնած են մեր ազգի ու պետության ճանապարհին:
Միևնույն ժամանակ՝ մեր հավատարմությունն ենք հայտնում այն բացարձակ ճշմարտությանը, որ քաղաքական ուժերի առաքելությունը գաղափարներ և տեսակետներ առաջարկելն է, սակայն որոշողը ժողովուրդն է և ժողովուրդը կորոշի բոլորիս անելիքը:
Առիթից օգտվելով՝ հեղափոխությունը առաջնորդած ուժի, ինչպես նաև հեղափոխության մեջ ավանդ ունեցող և ժողովրդի դեմ չգործած բոլոր ուժերի ներկայացուցիչներին հորդորում ենք ձեռնպահ մնալ միմյանց հարվածելու մարտավարությունից և որպես միասնական նպատակ աչքի առաջ ունենալ նախկին հանցավոր ռեժիմի մաս կազմած և քրեական օլիգարխիայից զերծ Ազգային ժողով ձևավորելու հրամայականը>,- ասվում է կուսակցության հայտարարության մեջ:
Հիշեցնենք, որ վարչապետի պաշտոնակատար Նիկոլ Փաշինյանն Արթիկ քաղաքում նախընտրական քարոզարշավի ընթացքում խիստ է արձագանքել <Սասնա ծռեր> կուսակցության ներկայացուցիչների հայտարարությանը, որ Հայաստանում մեկուկես տարուց պետք է նոր արտահերթ խորհրդարանական ընտրություններ անցկացվեն: <Էդ դուք իրոք որոշել եք, որ ձեզ իրավունք է տրված որոշել խորհրդարանի ու երբեմն նույնիսկ մարդկանց կյանքի չափե՞րը, ես ձեզ ասում եմ՝ հանկարծ չշշկռվեք, սա ձեզ համար Սերժ Սարգսյանի թուլամորթ ու թուլակամ իշխանությունը չէ>,- նշել է Նիկոլ Փաշինյանը։ Նա ևս մեկ անգամ ընդգծել է, որ ոչ ոք չպետք է դաշինքի ներկայացուցիչների ժպիտներն ու քաղաքավարիությունը որպես թուլություն ընկալի: < Այդպիսի մի քանի դեպք եղել է, և այդպես մտածողները համտեսել են ասֆալտի համը, ես ոչ մեկին խորհուրդ չեմ տա գնալ այդ ճանապարհով՝ ով ուզում է լինի>,- ընդգծել է վարչապետի պաշտոնակատարը:<Հաջորդ խորհրդարանը կլինի լեգիտիմ, և կգործի այնքան ժամանակ, որքան օրենքը կպահանջի, եթե Հայասանի բնակիչներն այլ կերպ չորոշեն>,- ընդգծել է Փաշինյանը: Նշենք, որ <Սասնա ծռեր> կուսակցության ղեկավարությունը գտնում է, որ առաջիկա երկու տարին Հայաստանի համար անցումային են, ինչից հետո հանրապետությունում պետք է անցկացվեն նոր արտահերթ խորհրդարանական ընտրություներ:
↧
Եկեղեցին պատասխանել է Փաշինյանին
Արմինֆո. Եկեղեցին երբևէ իշխանության կցորդ չի եղել: Այդ մասին հայտարարել է Մայր Աթոռի տեղեկատվական համակարգի տնօրեն Վահրամ քահանա Մելիքյանը՝ մեկնաբանելով ՀՀ վարչապետի պաշտոնակատար Նիկոլ Փաշինյանի հայտարարությունը, թե «Հանրապետական կուսակցությունը խոսում է ավանդական արժեքների մասին, սակայն եկեղեցին այն աստիճանի վարկաբեկված չի եղել, որքան ՀՀԿ-ի օրոք: Ավելին, եկեղեցին եղել է իշխանության կցորդը>: <Պետք է նշել, որ Եկեղեցին մշտապես իր ծառայությունն է բերել ի նպաստ հայոց պետականության զորացման, ազգի պայծառ ու ապահով կյանքի։ Եկեղեցին իր ծառայությունը երբևէ չի դիտարկել քաղաքական համատեքստում, այլ պետական ու հասարակական կառույցների, ազգային հաստատությունների, ինչպես նաև կուսակցությունների հետ իր հարաբերությունների ձևավորման մեջ առաջնորդվել է ազգի ու Հայրենիքի բարօրության կերտման հրամայականով։ Ցավ է մեզ համար, որ պարբերաբար այս նյութն արծարծվում է՝ թյուր ընկալումներ ձևավորելով մեր ժողովրդի մոտ։ Ցավալի է նաև, որ այս հանգամանքը կարող է շահարկվել նաև նախընտրական քարոզարշավի օրերին>,- նշել է Մայր Աթոռի տեղեկատվական համակարգի տնօրենը:
↧
↧
Փաշինյանը քննադատել է Արցախի պաշտոնյաներին՝ պահանջելով քաղաքականության մեջ
Արմինֆո.Վարչապետի պաշտոնակատար Նիկոլ Փաշինյանը քննադատել է Արցախի պաշտոնյաներին, ովքեր խիստ են արձագանքել <Իմ քայլը> նախընտրական դաշինքի անդամ Սասուն Միքայելյանի այն հայտարարությանը, թե ժողովրդի հաղթանակը հեղափոխությունում ավելի կարևոր էր, քան արցախյան ազատամարտը:
Ստեփանակերտից հնչող հայտարարությունները զայրացրել են Փաշինյանին, ով տարակուսանք է հայտնել Միքայելյանի հայտարարությանը նման արձագանքի առնչությամբ: <Անշուշտ, Միքայելյանն ինքն էլ զգաց, որ ոչ այնքան ճշգրիտ ձևակերպում է արել, և ինքն էլ ուղղեց իր ձևակերպումը՝ ասելով, որ ինքը նկատի ուներ, որ ապրիլյան հեղափոխությունը շատ կարևոր էր Արցախի, արցախյան ազատամարտի արդյունքներն արձանագրելու առումով, այլ ոչ թե հակառակը: Եվ ես չեմ հասկանում ոմանց ոգևորությունը՝ հատկապես այդ այս ճշգրտումներից հետո: Հիշեցի մի- երկու խորհրդակցություն, որտեղ հայտարարեցի, որ թույլ չեմ, տալու, որ զինվորի սապոգների, հագուստների, ուտելիքի վրա ապօրինի փողեր աշխատեն և այդ փողերով իրենց անձնական բարեկեցությունը ապահովեն: Ինձ ավելի շատ զարմացնում է այն փաստը, որ այդ ձևակերպմանն արձագանքում ենք նրանք, ովքեր տարիներ շարունակ ականատես են եղել բանակից կատարվող թալանին>,- տարակուսել է Փաշինյանը:
Նա այսքանով չի բավարարվել և շարունակել է՝ ավելացնելով, որ զարմացած է այն փաստով, որ Միքայելյանի հայտարարությանն արձագանքում ենք նրանք, ովքեր տարիներ շարունակ <բերանները ջուր առած> հետևել են, ոմանք նույնիսկ մասնակցել են բանակի թալանին: <Իսկ հիմա որոշել են այդ անհաջող ձևակերպված նախադասության վրա քաղաքական աչոկներ հավաքել, թույլ չեմ տալու: Չոգևորվեք ոչ մեկդ, նստեք հանգիստ տեղներդ եւ սպասեք, որ էն, ինչ որ մենք անում ենք, իրականություն դառնա, և չստիպեք մեզ, որպեսզի մենք էդ թեմաներով ավելի բաց խոսենք>,- սպառնացել է Փաշինյանը: <Զբաղվեք ձեր ծառայությամբ և չփորձեք հանկարծ քիթներդ խոթել քաղաքականության մեջ: Ես հազար անգամ ներողություն կխնդրեմ այդ սխալ ձևակերպման համար, բայց թույլ չեմ տա դրա վրա որևէ մեկը միավորներ հավաքի>,- ասել է նա:
Նշենք, որ ԼՂՀ Ազգային անվտանգության խորհրդի քարտուղար, Արցախի հերոս Վիտալի Բալասանյանը, անդրադառնալով Սասուն Միքայելյանի ելույթին, հայտարարել էր. <Ցավով պետք է արձանագրեմ այն, ինչ տեղի է ունենում Մայր Հայրենիքում: Արցախյան ազգային ազատագրական պայքարը, որի հիմքը վերջապես դրվեց 1988 թվականին, թե՛ Արցախում, թե՛ Հայաստանում և թե՛ Սփյուռքում ապրող մի ամբողջ ժողովրդի հաղթանակն է: Արցախի Հանրապետությունը համայն հայության ձեռքբերումն ու հպարտությունն է: Առավել քան զարմանալի ու զայրույթ հարուցող է, որ այս օրերին՝ ՀՀ Ազգային ժողովի արտահերթ ընտրությունների քարոզարշավի ժամանակ, այն շահարկվում ու նսեմացվում է, ի նպաստ ինչ-որ կուսակցական շահերի:
Արցախյան պատերազմի թոհուբոհով անցած, դրա դաժանություններն ու զրկանքները սեփական մաշկի վրա զգացած Սասուն Միքայելյանին ուզում եմ հիշեցնել, (համոզված եմ, որ «Սասուն ջոկատիե տղաները ևս համակարծիք չեն նրա հետ), որ Հայաստանում վերջին ժամանակներս կատարված հեղափոխությունը չի կարող ավելի մեծ հաղթանակ համարվել, քան Արցախյան ազգային ազատագրական պայքարն է, կամ առավել ևս՝ հայկական երկրորդ Հանրապետության կերտումը: Նմանատիպ հայտարարություններն առնվազն կասկածի տակ են դնում նման մարդկանց մասնակցությունը պետականաշինության գործին: Ցավալի է, որ նման հայտարարությունները արվում են ՀՀ զինված ուժերի գերագույն հրամանատարի ներկայությամբ: Սթափվե՛ք, տղանե՛ր>:
Իսկ Արցախի ՊՆ մամուլի խոսնակ Սենոր Հասրաթյանը հայտարարել էր. <Ե՞րբ է մարդու ասածը ոչ միանշանակ ընդունվում: Երբ ասելիք չունի, բայց ունի խոսելու ցանկություն: Ապացույցը Սասուն Միքայելյանի կողմից այսօր արված հայտարարությունը կամ ավելի ճիշտ՝ համազգային երևույթները մեկը մյուսին վերադասելու կամ ստորադասելու փորձը: Աշխատեք հրաժարվել այդ «սովորությունիցե, մանավանդ, երբ խոսքը վերաբերում է մեր հազարավոր հերոս նահատակների արյամբ կերտված Արցախյան հերոսամարտին>:
↧
Երևանում ՍԾՏՀ ԽՎ Գլխավոր ասամբլեայի 52-րդ նիստը նշանավորվել է սկանդալով. 4 պատվիրակություն հրաժարվել է կազմակերպության մեդալներից
Արմինֆո.Երևանում ՍԾՏՀ ԽՎ Գլխավոր ասամբելայի 52-րդ նիստը նշանավորվել է սկանդալով:
Ողջույնի խոսքից հետո ՀՀ ԱԺ խոսնակ Արա Բաբլոյանը հայտարարել է բոլոր ազգային պատվիրակություններին կազմակերպության 25-ամյակի առիթով պարգևատրելու մասին, սակայն 4 պատվիրակություն՝ Վրաստանի, Ադրբեջանի, Թուրքիայի և Ուկրաինայի, հրաժարվել են մեդալներից: Ադրբեջանի պատվիրակության ղեկավար Էլդար Գուլիևը հայտարարել է, որ վերջերս է զբաղեցրել այդ պաշտոնը, այդ պատճառով չի կարող ընդոնել այդ պատվավոր պարգևը: <Ուզում եմ նշել, որ դա ոչ մի կերպ քաղաքականության հետ կապված չէ: Ընդհակառակը, մեզ Երևանում շատ լավ են ընդունում, և վստահ եմ, որ ՍԾՏՀ ԽՎ հաջորդ նիստը, որը հավանաբար տեղի կունենա Ադրբեջանում, մենք նույնպես կկարողանանք լավ ընդունել հայկական պատվիրակությանը>,- նշել է Գուլիևը:
Վրաստանի պատվիրակության ներկայացուցիչը, քանի որ պատվիրակության ղեկավարը բացակայում էր, հայտարարել է, որ վերջինս հրաժարվում է և խնդրում չքննարկել այդ հարցը: Թուրքիայի պատվիրակության ղեկավարը հայտարարել է, որ ընդամենը ղեկավարի պաշտոնակատար է և պատիվ չունի ընդունելու այդ մեդալը: Ուկրաինայի պատվիրակության ղեկավար Չուբարովը նույնպես Երևան չէր ժամանել և խնդրել է հետաձգել մեդալի հանձնումը:
ԱԺ նախագահ Արա Բաբլոյանը նշել է, որ պարգևը վերաբերում է ոչ միայն ղեկավարներին, այլև պատվիրակություններին, որոնք քառորդ դար ազնվորեն աշխատել են: Կազմակերպության գլխավոր քարտուղար Ասաֆ Հաջիևը նշել է, որ չարժե դրանից ողբերգություն սարքել, առավել ևս, որ Թուրքիայի պատվիրակության ղեկավարը դեռևս չի հաստատվել այդ պաշտոնում: Նրա խոսքով, նրանք, ովքեր չեն ստացել մեդալները Երևանում, կկարողանան ստանալ դրանք Բաքվում կայանալիք նիստերի ժամանակ: Լրագրողների հետ զրույցում Բաբլոյանը կոչ է արել չքաղաքականացնել այդ հարցը, քանի որ ՍԾՏՀ ԽՎ-ն քաղաքական կազմակերպություն չէ:
↧
Արա Բաբլոյան. Հայաստանը շահագրգռված է տարածաշրջանում բազմակողմ տնտեսական համագործակցության հետագա զարգացմամբ
Արմինֆո.Չնայած նախընտրական գործընթացներին, մենք՝ որպես նախագահող երկիր, կարեւորում ենք ՍԾՏՀ-ի հետեւողական եւ անխափան գործունեությունը եւ հենց այդ հիմքով է, որ խորհրդարանական ընտրություններից մի քանի օր առաջ մենք լիագումար նստաշրջան ենք անցկացնում: Այդ մասին ՍԾՏՀ ԽՎ Գլխավոր վեհաժողովի 52-րդ լիագումար նիստի բացման ժամանակ իր ելույթում ասել է ԱԺ նախագահ Արա Բաբլոյանը:
<Համոզված եմ, որ Հայաստանի նորընտիր խորհրդարանն ակտիվորեն ներգրավված կլինի միջազգային գործունեության մեջ՝ հաշվի առնելով խորհրդարանական դիվանագիտության տարեցտարի աճող դերը:
Հարգելի գործընկերներ, Սեւծովյան տարածաշրջանի երկրները, որոնք հարուստ պատմական ժառանգության, բազմամշակութայնության եւ լուրջ տնտեսական ներուժի բնութագրմամբ 25 տարի առաջ ստեղծել են այս եզակի կազմակերպությունը, որը կոչված է միավորելու անդամ պետությունների ջանքերը՝ ուղղված աշխարհագրական հարեւանության առավելությունների վրա հիմնված տնտեսական փոխգործակցության զարգացմանը:
Այսօր Սեւծովյան տարածաշրջանն Արեւելքի եւ Արեւմուտքի միջեւ տրանսպորտի եւ էներգետիկայի բնագավառում փոխգործակցության կարեւորագույն հանգույց է, 350 միլիոն բնակչությամբ դինամիկ աճող շուկա, որը, անկասկած, գրավիչ է գլոբալ տնտեսական գործընթացների համար:
ՍԾՏՀ-ի ձեւավորման գործընթացի առանցքային փուլը խորհրդարանական բաղադրիչի ստեղծումն էր, որը տարիների ընթացքում ապացուցել է, որ հանդիսանում է կազմակերպության անբաժանելի եւ անփոխարինելի մասը:
Հարգելի գործընկերներ, կասկած չկա, որ տարածաշրջանում առկա որոշակի լարվածությունները խոչընդոտ են հանդիսանում առանձին երկրների եւ երկրների խմբերի միջեւ տնտեսական փոխգործակցության խորացման համար: Տնտեսական ինտեգրման զարգացումը, տարածաշրջանի պետությունների տնտեսական ներուժի ամրապնդումը կարող է լավ նախադրյալ լինել առկա մարտահրավերներին արձագանքելու եւ կայունության ամրապնդման համար: Ես խորապես համոզված եմ, որ ժամանակակից իրողություններում չպետք է մոռանալ, որ ամենադժվար խնդիրների մեծ մասը հնարավոր է լուծել ազնիվ, անկեղծ եւ անկողմնակալ երկխոսության զարգացմամբ: Միջխորհրդարանական համագործակցությունը եւ խորհրդարանական դիվանագիտությունը դրա կայացման համար անփոխարինելի գործիքներ են:
Հարգելի գործընկերներ, ՍԾՏՀ ԽՎ-ի դերն էապես մեծանում է, քանի որ միջազգային հարաբերություններում տնտեսությունն առանցքային գործոն է եւ հաճախ հենց տնտեսական հարաբերություններն են ստեղծում նպաստավոր պայմաններ արդյունավետ քաղաքական օրակարգի ձեւավորման համար, որը նպաստում է վիճելի հարցերի կարգավորմանը եւ սահմանափակում առճակատման հեռանկարները: Առաջադրանքների եւ հեռանկարների համակցությունը միավորում է մեզ՝ կոչ անելով համերաշխության եւ համագործակցության՝ ողջ տարածաշրջանում ժողովրդավարության եւ հիմնարար արժեքների ամրապնդման նպատակով:
ՍԾՏՀ ԽՎ-ի առանձնահատկությունն այն է, որ տարածաշրջանում բացառապես տնտեսական բնույթ ունեցող միակ խորհրդարանական կազմակերպությունն է: ՍԾՏՀ ԽՎ-ն երկխոսության եւ համագործակցության դինամիկ ժողովրդավարական ֆորում է, ինչպես նաեւ տարածաշրջանի ժողովուրդների միջեւ հաղորդակցության կարեւոր ուղի՝ ընտրված իրենց ներկայացուցիչների միջոցով:
Մենք պարտավոր ենք հավատարիմ մնալ խաղաղության, անվտանգության, կայունության եւ տարածաշրջանում տնտեսական գործընկերության զարգացմանը: Տարածաշրջանային տնտեսական համագործակցությանը նոր խթան հաղորդելու համար մենք կոչ ենք անում ՍԾՏՀ ԽՎ բոլոր անդամներին շարունակել այս ուղղությամբ համատեղ գործողությունները: ՍԾՏՀ ԽՎ-ն կարիք ունի խորացնելու ստեղծագործական մտածողությունը, որը մերժում է թշնամանքի դրսեւորումը եւ բաժանարար գծերի քաղաքականությունը:
Հայաստանը շահագրգռված է տարածաշրջանում բազմակողմ տնտեսական համագործակցության հետագա զարգացմամբ, դրանով հանդերձ մենք չենք դադարում կրկնել, որ ՍԾՏՀ ԽՎ-ի ստեղծման հիմնական գաղափարը եւ գերակայությունը ՍԾՏՀ անդամ պետությունների միջեւ տնտեսական համագործակցության ամրապնդումն է: Հայաստանը հաստատում է իր հավատարմությունն այս գաղափարին եւ պնդում, որ ՍԾՏՀ-ի նպատակների արդյունավետ իրականացման համար անհրաժեշտ է պահպանել կազմակերպության տնտեսական բնույթը` խուսափելով ավելորդ քաղաքականացումից:
Հարգելի գործընկերներ, ինձ համար հաճելի է, որ Հայաստանն անցկացնում է հանդիպում, որտեղ հիմնական հարցն է «Խորհրդարանների դերը տարածաշրջանային տնտեսական համագործակցության զարգացման գործումե: Այս թեման ընդգծում է այն դերը, որոնք խորհրդարանները՝ որպես ներկայացուցչական, օրենսդրական եւ վերահսկող գործառույթներ իրականացնող մարմիններ, խաղում են տնտեսական բարեփոխումների իրականացման գործում:
Հայաստանը հետագայում եւս պատրաստ է շարունակել կառուցողական ներդրում ունենալ ՍԾՏՀ երկրների միջեւ համագործակցության զարգացմանը` նպաստելով կառույցի ամրապնդմանը եւ առաջադրելով տարածաշրջանային ու գլոբալ ինտեգրացիոն նոր նախագծեր եւ նախաձեռնություններ>,- նշել է ՀՀ ԱԺ նախագահը:
↧