Հայաստանում ճշտում են Նոյեմբերյանի բնակչի ադրբեջանական կողմ անցման վերաբերյալ տեղեկատվությունը:
Նոյեմբերյանի քաղաքապետարանում ԱրմԻնֆո-ի թղթակցին հայտարարել են, որ Անանյանի անցման մասին տեղեկացել են ԶԼՄ-ներից և առայժմ չեն կարող հաստատել տեղեկատվության հավաստիությունը:
Հիշեցնենք, որ ավելի վաղ «Թուրանը», վկայակոչելով Ադրբեջանի պաշտպանության նախարարությոն մամուլի ծառայությունը, հաղորդել էր, թե օգոստոսի 26-ին Հայաստանի քաղաքացի Սարգիս Նորիկի Անանյանը, ծնված 1961 թվականին, անցել է սահմանը և հայտնվել Ադրբեջանում` Ղազախի շրջանի Քյամարլի գյուղի մերձակայքում, որտեղ էլ նրան ձերբակալել են զինվորականները:
Նշվում է նաև, թե որպես ադրբեջանական կողմ անցնելու պատճառ Անանյանն, իբր, նշել է Հայաստանում առկա վատ սոցիալ-տնտեսական պայմանները և Ադրբեջանում ապաստան խնդրելու մտադրություն է հայտնել: