Նախորդ շաբաթվա ընթացքում հրադադարի ռեժիմի խախտման դեպքերին առնչվող կտրուկ փոփոխություն չի դիտվել: Այդ մասին հայտարարել է Հայաստանի պաշտպանության նախարարի մամուլի քարտուղար Արծրուն Հովհաննիսյանը:
Նրա ասելով, հակառակորդը վարել է, հիմնականում, հայկական կողմի դիրքերի ուղղությամբ անկանոն հրաձգություն, սակայն իրավիճակի սրում չի եղել: Հովհաննիսյանը նաև ավելացրել է, որ Հայաստանի զինված ուժերի առաջնային ստորաբաժանումները, որպես կանոն, անկանոն հրաձգությանը չեն պատասխանում: