Հայաստանում և Թուրքիայում ընթացիկ զարգացումներն Իրանի համար սպառնալիք չեն ներկայացնում: Ինչպես հաղորդում է իրանական ՙԻՍՆԱ՚ լրատվական գործակալությունը, այդպիսի կարծիք է հայտնել Իրանի ՆԳ նախարարի անվտանգության հարցերով տեղակալ Հոսեյն Զոլֆաղարին:
ՙԻԻՀ սահմանային վարչակազմերը պատրաստ են վերահսկել սեփական սահմանները՚,- հայտարարել է Իրանի ՆԳՆ ներկայացուցիչը:
Հիշեցնենք, որ հուլիսի լույս 16-ի գիշերը Թուրքիայում ռազմական հեղաշրջման փորձ է կատարվել: Իշխանությունները հավաստում են, որ վերահսկում են իրավիճակը:
Հուլիսի 17-ի վաղ առավոտյան ընդդիմադիրների «Սասնա ծռեր» զինված խումբը գրավել է Երեւանի Էրեբունի համայնքի ոստիկանական ստորաբաժանման տարածքը, որտեղ տեղակայված է ՊՊԾ գունդը: Նրանք պահանջում են ազատ արձակել «Հիմնադիր խորհրդարան» քաղաքացիական նախաձեռնության համակարգող Ժիրայր Սէֆիլյանին, ով կալանավորվել է ապօրինի զենք-զինամթերք ձեռք բերելու և պահելու մեղադրանքով: