Արցախի ժողովրդի դեմ մանրամասն նախապատրաստված Ադրբեջանի ռազմական գործողությունը ձախողվեց՝ ԼՂՀ Պաշտպանության բանակի հետախուզության աշխատանքի ճշգրտության շնորհիվ: Այդ մասին Երևանի պետական համալսարանում «Հայաստանի և Ադրբեջանի ռազմամթերքի համեմատականը՚ խորագրով դասախոսության ընթացքում նշել է ՀՀ պաշտպանության նախարարի մամուլի քարտուղար Արծրուն Հովհաննիսյանը:
ՙԱյսօր մենք կարող ենք վստահաբար նշել, որ ադրբեջանական և ղարաբաղյան զինված ուժերի շփման գծի հյուսիս-արևելյան և հարավ-արևելյան ուղղություններով ադրբեջանական բանակի հարվածները շեղող մանևր էին՚,- նշել է նա:
Ադրբեջանական բանակը գլխավոր հարվածը, ըստ նրա, պատրաստվել էր կենտրոնական ուղղությամբ: Սակայն, հիմնական հարվածն ի սկզբանե կասեցվել է հայ զինվորների կողմից, ինչի արդյունքում հակառակորդին նույնիսկ չի հաջողվել լայնամասշտաբ հարձակում սկսել կենտրոնում:
Հովհաննիսյանի խոսքով, նման գործողություններով հակառակորդը շարունակում է 1915 թ. թուրքական իշխանությունների ցեղասպան քաղաքականությունը: Եվ հայ ժողովրդի ոչնչացման հերթական փորձը, այս անգան՝ Արցախում, կասեցվեց հայ զինվորի ձեռքով: