2015թ հունիսի 2-ին ՀՀ Ոստիկանության հասարակայնության հետ կապերի և տեղեկատվության վարչությունը հաղորդել է Արարատի ոսկու ֆաբրիկայից մեծ քանակությամբ ոսկու հանքաքարի հափշտակության, անօրինական վերամշակման և իրացման դեպքի հայտնաբերման մասին: Հաղորդագրության մեջ նշվում են նաև ԳեոՊրոՄայնինգ գոլդ ՍՊԸ մի քանի աշխատակիցների անուններ:
ԳեոՊրոՄայնինգ ընկերությունը իր ողջ պատմության ընթացքում նախադեպը չունեցող այսպիսի միջադեպի հետ բախվում է առաջին անգամ և իր երախտագիտությունն է հայտնում ՀՀ Ոստիկանության աշխատակիցներին նրանց օպերատիվ աշխատանքի և բարձր պրոֆեսիոնալիզմի համար, որոնք նրանք ցուցաբերել են անօրինական գործողությունները հայտնաբերելու ընթացքում:
Մենք պաշտոնապես հայտարարում ենք, որ “ԳեոՊրոՄայնինգ գոլդ” ընկերությունը իրավապահ մարմիններին կտրամադրի անհրաժեշտ աջակցություն հետագա քննության արդյունավետ և լիարժեք անցկացման, կատարված դեպքի բոլոր հանգամանքների պարզման և մեղավորներին օրենքի ողջ խստությամբ պատասխանատվության ենթարկելու համար: ԳեոՊրոՄայնինգ գոլդ ՍՊԸ-ն իր հերթին մտադիր է բարձրացնել անվտանգության մակարդակը, ինչպես նաև վերահսկողության համակարգին ուղղված պահանջները, անհրաժեշտության դեպքում այդ հարցերով սերտորեն համագործակցելով պետական կառույցների և իրավապահ մարմինների ներկայացուցիչների հետ: