Ռուսաստանի դեմ կիրառված արևմտյան պատժամիջոցների հետևանքով «Էյր Արմենիա» ընկերությունը չի կարողացել վճարել աէրոնավիգացիոն ծառայությունների դիմաց

Ռուսաստանի օդային երթևեկության պետական կորպորացիայի հանդեպ հայկական Էյր Արմենիա ավիաընկերության պարտքերը պարտքերը գոյացել են ոչ թե ավիաընկերության մեղքով, այլ կապված են տեխնիկական պրոբլեմների հետ: Այս մասին ԱրմԻնֆո գործակալության թղթակցի հետ հարցազրույցում հայտարարել է Էյր Արմենիա ընկերության տնօրեն Արսեն Ավետիսյանը:

Նրա խոսքով, պրոբլմը կայանում է նրանում, որ, ըստ պայմանավորվածության,  փոխանցումներն իրականացվում էին ԱՄՆ դոլարով: Սակայն, ԱՄՆ-ի կողմից կիրառվել են պատժամիջոցներ «ՍՄՊ» ռուսական բանկի նկատմամաբ, որտեղ և գտնվում են «Օդային երթևեկության կառավարման պետական կորպորացիա պետական վարչական ունիտար կազմակերպության» հաշիվները: Օդային երթևեկության կառավարման պետական կորպորացիայի հետ տվյալ տեխնիկական խնդիրները քննարկելուց հետո ընկերույթունը համաձայնության է եկել, որ տվյալ գումարները կփոխանցվեն այլ արժույթով՝ ռուբլիով, ասել է Ավետիսյանը:

Նա նշել է, որ Էյր Արմենիա ավիաընկերության ժամկետանց պարտքը ռուսական կորպորացիայի հանդեպ կազմում է 400 ԱՄՆ դոլարին համարժեք գումար և կմարվի սեպտեմբերի 21-ին: Ընթացիկ պարտքը կմարվի ըստ ժամանակացույցի, հավելել է տնօրենը: «Էյր Արմենիա ավիաընկերության աէրոնավիգացիոն սպասարկումը չի դադարեցվի և թող ընկերության հաճախորդներն ու ուղևերները չանհանգստանան»,-ասել է Ավետիսյանը:

Նշենք, որ ռուսասկան ԶԼՄ-ները, հղում կատարելով Ռուսաստանի Օդային երթևեկության կառավարման պետական կորպորացիայի հաղորդագրությանը, ոչ ճշգրիտ լուրեր էին տարածել այն մասին, որ սեպտեմբեևրի 21-ից Ռուսաստանը պարտքերի պատճառով դադարեցնում է Էյր Արմենիա ավիաընկերության աէրոնավիգացիոն սպասարկումն իր օդային տարածքում, իսկ ընդհանուր պարտքը կազմում է 1.1 մլն.դոլար: Էյր Արմենիա ավիաընկերության ժամկետանց պարտքը ռուսական կորպորացիայի հանդեպ կազմում է 400 ԱՄՆ դոլար, իսկ ընթացիկ պարտքը` 700 ԱՄՆ դոլար, նշված է հաղորդագրության մեջ:

Նշենք, որ Էյր Արմենիա ավիաընկերությունն օրական 2-3 չվերթ է իրականացնում Երևանից Մոսկվա (Վնուկովո), շաբաթական մեկ չվերթ իրականացվում է դեպի Եկատերինբուրգ, 3 չվերթ` Կրասնոդար և Պետերբուրգ, մեկական չվերթ` Նիժնի Նովգորոդ և Սամարա և շաբաթական երկու-ական չվերթ`դեպի Սոչի:

Էյր Արմենիա ավիաընկերությունն ստեղծվել է 2003 թվականին և իր ուղին սկսել է որպես օդային բեռնափոխադրումներ իրականացնող ընկերություն: 2013 թվականի հոկտեմբերին ընկերությունը ձեռնամուխ եղավ կանոնավոր ուղևորափոխադրումների իրականացմանը, ինչը հնարավոր դարձավ սնանկացած ազգային ավիափոխադրողի` «Արմավիայի» մենաշնորհի վերացումից հետո: Ներկայումս ընկերությունը հանդիսանում է հայկական միակ ուղևորափոխադրող ավիաընկերությունը: Ընկերությունը նախատեսում է ակտիվացներ թռիչքները դեպի ԱՊՀ երկրներ, դուրս գալ եվրոպական շուկա, ինչպես նաև սկսել թռիչքների իրականացումը դեպի Մերձավոր Արևելքի երկրներ:-կ-

Կապված այսօրվա «Օդային երթևեկության կառավարման պետական կորպորացիա պետական վարչական ունիտար կազմակերպության» հաղորդագրության հետ, «Էյր Արմենիա» ավիաընկերությունը տեղեկացնում է բոլորին, որ դեռ մեկ ու կես ամիս առաջ «Օդային երթևեկության կառավարման պետական կորպորացիա պետական վարչական ունիտար կազմակերպության» բոլոր փոխանցումները  կատարվում էին առանց խնդիրների՝ դոլարով: Սակայն մեր կողմից իրականացված վճարումները չեն հասել հասցեատիրոջը, քանի որ Եվրոպայի և ԱՄՆ-ի կողմից կիրառվել են պատժամիջոցներ «ՍՆՊ» ռուսական բանկի նկատմամաբ, որտեղ և գտնվում են «Օդային երթևեկության կառավարման պետական կորպորացիա պետական վարչական ունիտար կազմակերպության» հաշիվները:

Օդային երթևեկության կառավարման պետական կորպորացիա հետ տվյալ տեխնիկական խնդիրները քննարկելուց հետո եկել ենք համաձայնության, որ տվյալ գումարները փոխանցվեն այլ արժույթով՝ ռուբլիով:

Իրականացվել են 200 հազար դոլարին համարժեք փոխանցումներ  ռուբլիով, որոնք հասել են հասցեատիրոջը: Սակայն հերթական 108 հազար դոլլարին համարժեք ռուբլու փոխանցման ժամանակ «Ամերիա» բանկը գրավոր տեղեկացրեց մեզ, որ վերոհիշյալ սանկցիաների պատճառով տվյալ փոխանցումը հնարավոր չէ իրականացնել:

Որից հետո «Էյր Արմենիա» ընկերությունը մոսկվայի ներկայացուցչության վարած բանակցությունների արդյունքում եկավ պայմանավորվածության, որ «Օդային երթևեկության կառավարման պետական կորպորացիա պետական վարչական ունիտար կազմակերպությունը» մինչև սեպտեմբերի 21-ը կներկայացնի այլ բանկային տվյալներ (բանկ, որը չի գտնվում պատժամիջոցների ազդեցության տակ) փոխանցումները իրականացնելու համար:

Համապատասխան նոր հաշիվներ ստանալուց հետո բոլոր գումարները ժամանակին կվճարվեն:

«Էյր Արմենիա» ընկերությունը տեղեկացնում է բոլոր ուղևորներին, որ ավիաընկերությունը իրականացնում և իրականացնելու է իր չվերթները՝ ըստ չվացուցակի: