Նոր Հայասատան չի լինելու այնքան ժամանակ, քանի դեռ գահին բազմած են ոչ լեգիտիմ իշխանությունները: Այս մասին այսօր Երևանում հայտարարել է «Ժառանգություն» կուսակցության առաջնորդ Րաֆֆի Հովհաննիսյանը, Ազատամարտիկների կազմակերպած հանրահավաքում:
Նա նշել է, որ այսօրվա օրը ազգային պայքարի օր է: Հովհաննիսյանն ընդգծել է, որ այն ամենը, ինչ անավարտ է մնացել պայքարի վերջին 20 տարիների ընթացքում, պետք է ավարտվի այս գարնանը: Նրա խոսքերով, անհրաժեշտ է գնալ դեպի ազատ և անկախ հանրապետություն, որը կպատկանի ժողովրդին:
Հավելենք, որ ազատամարտիկների հանրահավաքի մասնակիցներն այնուհետև շարժվել են դեպի Ազատության հրապարակ, որտեղ միացել են ՀԱԿ հանրահավաքի մասնակիցներին: