Արմինֆո. ՀՀ նախագահ Սերժ Սարգսյանի կարգադրությամբ՝ Սևակ Լալայանն ազատվել Հայաստանի Հանրապետության նախագահի օգնականի պաշտոնից:
Ինչպես ԱրմԻնֆո-ին հայտնել են պետության ղեկավարի մամուլի ծառայությունում, Լալայանը պաշտոնից ազատվել է սեփական դիմումի համաձայն:
Մինչդեռ ԱրմԻնֆո-ի՝ իշխանություններին մոտ աղբյուրների համաձայն, վերջին ժամանակներս նախագահը դժգոհ էր Լալայանի գործունեությունից: Մինչ ազատվելը Լալայանի լիազորությունները կտրուկ կրճատվել էին, մասնավորապես՝ արդեն մի քանի ամիս է, ինչ նա չի զբաղվում պետության ղեկավարի և նրա թիմի PR հարցերով, ինչպես նաև չի համակարգում քաղաքական գործընթացները և ընտրությունները: Հիշյալ լիազորությունները ներկայումս կատարում է նախագահի աշխատակազմի ղեկավարի տեղակալ Ալեքսան Հարությունյանը:
↧