Մարտի 17-ին՝ ժամը 23.03-ին, տեղեկատվություն է ստացվել, որ Արարատի մարզի Մասիս քաղաքի Գործարանային փողոցի մոտակայքում բախվել են գնացքը և մարդատար ավտոմեքենան, կա տուժած, անհրաժեշտ է փրկարարների օգնությունը:
Ինչպես տեղեկացնում է ՀՀ ԱԻՆ մամուլի ծառայությունը, կանչի վայր են մեկնել մեկ մարտական հաշվարկ և ՄՓՎ օպերատիվ խումբը:Դեռևս չպարզված հանգամանքներում բախվել են «Վազ-2106ե մակնիշի 05 ՕՕ 481 պետհամարանիշի ավտոմեքենան (վարորդ՝ Է. Զ., ծնվ.1989 թ.) և ВЛ10У631 էլեկտրագնացքը, ինչի հետևանքով Է. Զ.-ը, մինչ փրկարարների դեպքի վայր հասնելը, հոսպիտալացվել է Մասիսի ԲԿ, որտեղ բժիշկները տուժածի առողջական վիճակը գնահատել են ծանր: Հրշեջ-փրկարարները հոսանքազրկել են ավտոմեքենան, փակել գազի փականը և ավտոմեքենան հեռացրել են երկաթգծից: