Նոյեմբերի 17-ին՝ ժամը 11:00-ի դրությամբ Սոտք-Քարվաճառ ավտոճանապարհը դժվարանցանելի է:
Ինչպես ԱրմԻնֆո-ին հաղորդեցին ՀՀ տրանսպորտի և կապի նախարարության լրատվական ծառայությունից, Ջերմուկում, Սարավանում, Մեղրիում տեղում է ձյուն, իսկ Տիգրանաշենի և Վարդենյաց լեռնանցքներում` ձնախառն անձրև: Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին կատարում են աղով, ավազով մշակման և մաքրման աշխատանքներ: Միջպետական և հանրապետական նշանակության ավտոճանապարհները բաց են: Վթարներից, պատահարներից և խցանումներից խուսափելու նպատակով ՀՀ տրանսպորտի և կապի նախարարությունը վարորդներին խորհուրդ է տալիս երթևեկել բացառապես ձմեռային անվադողերով: