Հայաստանի խորհրդարանի պատվիրակությունը կմեկնի ԼՂՀ` Բերձորի միջադեպի վերաբերյալ փաստեր հավաքելու համար:
Պատվիրակության կազմում կընդգրկվեն խորհրդարանական բոլոր խմբակցությունների ներկայացուցիչներ, բացառությամբ ՀԱԿ-ի, որի համոզմամբ, իրավական հարցերով պետք է զբաղվի ոչ թե օրենսդիր, այլ գործադիր իշխանությունը:
Հիշեցնենք, որ հունվարի 31-ին Հիմնադիր խորհրդարանի ներկայացուցիչները, այդ թվում Արցախյան պատերազմի վետերան Ժիրայր Սեֆիլյանը, դեպի Արցախ իրազեկման ավտոերթի ընթացքում Բերձորի մոտ դաժանաբար ծեծի էին ենթարկվել ԼՂՀ ոստիկանների կողմից: Այդպիսով Ղարաբաղի ոստիկանները փորձել են խոչընդոտել «100-ամյակն առանց ռեժիմի» շարժման շրջանակում իրազեկման ավտոերթի անցկացումն Արցախում: