Սահմանադրական բարեփոխումների վերաբերյալ կառավարող վարչակազմի որոշումը տարօրինակ է, բազմիցս ընտրությունները կեղծած և իշխանությունը բռնազավթած մարդկանց խումբը պարտադրում է այդ բարեփոխումները հասարակությանը, ոչ իշխանական եռյակի հանրահավաքի ժամանակ հայտարարել է Հայաստանի ժողովրդական կուսակցության առաջնորդ Ստեփան Դեմիրճյանը:
ՙԵրկրում չկա ո’չ սահմանադրական բարեփոխումների հասարակական պահանջ, ո’չ օբյեկտիվ անհրաժեշտություն: Դժվար իրավիճակը, որում հայտնվել է երկիրը, պայմանավորված չէ գործող Սահմանադրության թերություններով՚,- ասել է Դեմիրճյանը:
Նա համոզված է, որ Հայաստանն իրական փոփոխությունների կարիք ունի`իշխանության և բիզնեսի տարանջատում, տնտեսության առողջացում: Միաժամանակ ներկայիս իշխանություններից այդ խնդիրների լուծումը պահանջելն առնվազն միամտություն է: